सर्वोच्चं राष्ट्रपतियात छ्वःगु पती गल्ति
येँ (सन्ध्या टाइम्स)/सर्वोच्च अदालतं उपराष्ट्रपतियात सपथ याकेगु बारे छु जुयाच्वन धकाः राष्ट्रपति डा. रामवरण यादवयात छ्वःगु पती द्वनाच्वंगुलिं राष्ट्रपतिया ज्याकुथी उगु पौयात लित छ्वया बिउगु खँ सम्बन्धित सूत्रं धाःगु दु।
सर्वोच्चं राष्ट्रपति डा. रामवरण यादवयात छ्वःगु उगु पती राष्ट्रपतियात संवोधन यायेमाःगु 'सम्माननीय' शब्द मछ्यसे 'राष्ट्रपति डा. रामवरण यादव' धकाः जक च्वयातःगुलिं राष्ट्रपतिं थ्व ज्या संविधान सम्मत मजू धासें उगु पौ महान्यायाधिवक्ताया ज्याकुथी लित छ्वया बिउगु खः।
सर्वोच्च अदालत थेंज्याःगु छगू गरिमामय संस्थापाखें जूगु थ्व त्रुटि गम्भीर प्रकृतिया जूगु खँ सम्बन्धित विज्ञतय्सं धाःगु दु ।
उखे उपराष्ट्रपतिया छ्वःगु पौ नं निगू कथंया बेहोराया जूगु खँ सीदुगु दु।
