येँयाःबलय् याःगु बन्दया विरोध
येँ (सन्ध्या टाइम्स)/ नेवाः जागरण सुरक्षा मञ्चं स्वनिगःया दकलय् तःधंगु नखः येँयाः पुन्हिया इलय् जुइगु छुं नं कथंया आन्दोलन व बन्दया विरोध याःगु दु। भाद्र १८ गते थीथी जातीय संगठनं मंकाः रुपं नेपाल बन्दया आह्वान यानातःगुलिं उगु बन्दयात कयाः विरोध याःगु खः ।
मञ्चं पिथंगु वक्तव्यय् येँयाः जात्रा नेवाःतय्गु जक मखु नेपाः राष्ट्रया हे महत्वपूर्ण जात्रा जूगुलिं उगु बन्दयात कयाः घोर आपत्ति व असहमति दुगु खँ न्ह्यथनातःगु दु।
विज्ञप्तिइ नेपाल बन्द लित कायेत इनाप यासें नेवाः जागरण सुरक्षा मञ्चं उकुन्हु बन्द यात धाःसा नेवाः समुदायं उकिया प्रतिरोध यायेगु खँ नं न्ह्यथनातःगु दु ।
