राष्ट्रपतिं धाःसा बिचाः याये: उपराष्ट्रपति

येँ (सन्ध्या टाइम्स)/ सर्वोच्च अदालतं थःगु क्षेत्राधिकारं पिहां वनाः फैसला याःगु द्वपं उपराष्ट्रपति परमानन्द झानं बियादीगु दु। थौं सुथय् छगू संचार माध्यमयात अन्तर्वार्ता बीगु झ्वलय् वय्कलं उगु द्वपं बियादीगु खः। वय्कलं अन्तरिम संविधानया धारा ३६-१ कथं उपराष्ट्रपतिया मृत्यु जूसा वा राजीनामा बिउसा जक उपराष्ट्रपति पद निष्कृय जुइगु व्यवस्था दुगुलिं सर्वोच्चं आइतबाः याःगु निर्णय क्षेत्राधिकार पिने लाः धयादिल। राष्ट्रपतिं थःत लिखित आदेश बिलधाःसा जक छुं याये फइगु खँ नं वय्कलं धयादीगु दु। सर्वोच्चं उपराष्ट्रपतियात आइतबाः न्हय्न्हुया दुने नेपाली भासं शपथ कायेत आदेश बिउगु खः ।