माओवादी बाहेक मेगु सेना मदु

येँ (सन्ध्या टाइम्स)/ विशेष सुरक्षा योजना छुं नं जाति विशेषयात दमन यायेगु निंतिं महयागु दावी गृहमन्त्री भिम रावलं यानादीगु दु। थौं सुथय् एमाले मोरङ्गं ग्वसाः ग्वःगु पत्रकार सम्मेलनय् न्ववासें वय्कलं उगु खँ धयादीगु खः। आपराधिक प्रवृत्तियात निरुत्साहित यायेगु खँ धासें वय्कलं माओवादी बाहेक मेगु राजनीतिक दलयाके सेना मदु धयादिल। थीथी पुचलं गठन याःगु सेनायात सरकारं मान्यता मबीगु व उमित कारवाही यायेगु ख्याच्वः नं वय्कलं बियादीगु दु। वय्कः पूर्वाञ्चलय् विशेष सुरक्षा समितिया बैठकय् ब्वति कायेत उखे झायाच्वनादीगु दु ।