ल्वाभः सहित माओवादी लडाकूतय्त ज्वनः

सशस्त्र प्रहरीं कपिलवस्तुया पिपराय् माओवादी लडाकूत च्वनावःगु स्वंगः गाडी नियन्त्रणय् काःगु दु । गाडी दुने ल्वाभः खनेवं गस्तिलय् दुपिं प्रहरीं बा ००१ अ ७०, बा ००१ अ ६८ व बा ५ च ५१५९ नम्बरया गाडी नियन्त्रणय् काःगु दुसाः बा ५ च ८८४८ नम्बरया मेगू छगः गाडी बिस्यूवंगु खँ प्रहरीं धाःगु दु ।

नियन्त्रणय् काःगु गाडी दुने एसएमजी, इन्सास लगायत च्यापू ल्वाभः तयातःगु खँ प्रहरीं धाःगु दु । ल्वभः सहित ज्वंपिं माओवादी लडाकूतय्त अनुसन्धानया निंतिं जिल्ला प्रहरी ज्याकू तौलीहवा यंकूगु दु ।

दाङं पूर्व पाखे वयाच्वंगु ईलय् पूर्वपश्चिम राजमार्ग अर्न्तगत कपिलवस्तुया पिपराय् नेपाल प्रहरी व सशस्त्र प्रहरीया संयुक्त पुचलं ल्वभः सहित गाडी व लडाकूतय्त ज्वंगू खः ।