नेपालभाषाय् पिपुल्स अवार्ड
येँ (सन्ध्या टाइम्स)/पेज थ्री बाःछिपौ ७५ गू ल्याः पिहां वःगु लसताय् यलया एम्बियन्स रेष्टुरेन्टय् छगू तुच्चा ज्याझ्वःया दथुइ 'पेज थ्री नेपालभाषा पिपल्स च्वाइस अवार्ड'या घोषणा जुल ।
रेष्टुरेन्टया थुवाः निर्मलरत्न शाक्यं लसकुस यानाः न्ह्याःगु उगु ज्याझ्वलय् बाःछिपौया सम्पादक व प्रकाशक दर्शनवीर शाक्यं अवार्डया घोषणा यानादीगु खः ।
थीथी नीस्वंगू विधाय् घोषणा याःगु अवार्ड नेपाल संवत् ११२४ निसें ११२८ तक पिदंगु नेपालभाषा संकिपा, म्येँचाः, भिसिडी आदियात लःल्हाइगु खँ धाःगु दु ।
