रक्षा मन्त्री भारत वनीगु
येँ (सन्ध्या टाइम्स)/रक्षा मन्त्री विद्या भण्डारी थौं वासः याकेत भारत वनेत्यंगु दु। वय्कः लछि न्ह्यः तिनि पुलिया अपरेशन यानाः लिहां झाःगु खः। वय्कलं थःगु उपचार लिपा न्हूदिल्लीइ भारतीय नेतात नं नाप लाइगु ज्याझ्वः दु ।
एमालेया वरिष्ठ नेता खड्ग ओली व रक्षा मन्त्री भण्डारीं वासः याकेगु नामय् निरन्तर यानाच्वंगु भारत भ्रमण लिसें अनया राजनीतिक पार्टीया नेतात नापलायेगु ज्यां नेपाःया राजनीतिइ नं लिच्वः लाकीगु खँ धयाहःगु दु। वय्कःपिं नेपाली सेनायात आधुनिकीकरण यायेगु लागिं भारतं माक्व ल्वाभः कया हयेमाः धइगु पक्षयापिं खः ।
