लिम्बुवान लिसे जुइ धाःगु वार्ता स्थगित

येँ (सन्ध्या टाइम्स)/सरकार व लिम्बुवान दथुइ थौं जुइ धाःगु वार्ता स्थगित जूगु दु। वार्ताया निंतिं लिम्बुवानया नेतात थौं येँय् थ्यंके मफुगुलिं वार्ता स्थगित जूगु खँ शान्ति तथा पुनर्निर्माण मन्त्रालयं धाःगु दु। थौं स्थगित जूगु वार्ता कन्हय् जुइगु सम्भावना दुगु खँ नं धाःगु दु। लिम्बुवान संघीय परिषदं ताः इलंनिसें लिम्बुवान स्वायत्त राज्यया माग यानाः आन्दोलन याना वयाच्वंगु खः ।