'वर्तमान सरकार छुं नं हालतं क्वदलीमखु'

नेपाली कांग्रेसया कार्यवहाक सभापति सुशील कोइरालां वर्तमान सरकार छुं नं हालतं क्वमदलीगु खँ धयादीगु दु ।

शनिवाः नेपाल प्रेस युनियन कास्कीं पोखराय् याःगु पत्रकार सम्मेलनय् वयेकलं वर्तामान सरकारयात कांग्रेसया क्वतुगु समर्थन जूगु धयादिसें थ्व सरकार क्वदली अले थःगु पार्टीं नेतृत्व याःगु सरकार गठन जुइगु म्हगसः मखंकेत माओवादीयात इनाप यानादिल ।

कार्यवहाक सभापति कोइरालां माओवादीं थौं कन्हय् थःगु नेतृत्वया सरकार याकनं गठन जुइगु धकाः धयाच्वंगु प्रशसंग कुलादिसें सरकार थःगु नेतृत्वय् गठन जुइधइगु मतलव माओवादी सरकारय् वयेत स्वयाच्वंगु बिचाः प्वंकादिल । वयेकलं माओवादीं वर्तमान सरकारय् याकनं ब्वति काइगु विश्वास प्वंकादिल ।

अथेहे वयेकलं कांग्रेसया झिंनिक्वःगु महाधिवेशनय् थम्हं सभापति पदय् उम्मेदवारी बीगू धयादिल ।