देय् दबूया झिंन्यादँ बुन्हि
येँ (सन्ध्या टाइम्स)/नेवाःतय् राष्ट्रिय संगठन नेवाः देय् दबूया झिंन्याक्वःगु बुन्हि थुगुसी तःजिक न्यायेकीगु जूगु दु।
थ्वहे वइगु यंलाथ्व ७ (भाद्र ११ गते) कुन्हु थ्व बुन्हि लाः वः। देय् दबूपाखें वकुन्हु छगू विशेष ज्याझ्वः यासें थःपिनि बुन्हि हनेगु ग्वसाः ग्वयाच्वंग खँ देय् दबूया नायः भाजु नरेश ताम्रकारं 'सन्ध्या टाइम्स'यात कनादिल ।
देशय् नेवाः स्वायत्त शासन लागू यायेगु आन्दोलनय् नेवाः देय् दबु दुगुलिं थःपिनि बुन्हियात नं आन्दोलनयात हे तिबः दइ कथंया ज्याझ्वः यानाः हनेगु खँ नं वय्कलं कनादिल ।
