राष्ट्रिय सरकार हे मू खँ
येँ (सन्ध्या टाइम्स)/राष्ट्रिय सहमतिया आधारय् सरकार दयेकेगु विकल्प मदुगु खँ माओवादी अध्यक्ष पुष्पकमल दाहाल प्रचण्डं धयादीगु दु। थौं रौतहटय् पत्रकारत लिसे संक्षिप्त खँ ल्हायेगु झ्वलय् वय्कलं उगु बिचाः प्वंकादीगु खः ।
शान्ति प्रक्रियायात तार्किक निष्कर्षय् थ्यंकेत राष्ट्रिय सहमतिया सरकारया विकल्प मदु धासें वय्कलं थःपिं न्ह्याबलें नं राष्ट्रिय सहमतिया पक्षय् दुगु दाबी नं यानादीगु दु। माओवादीया उच्चस्तरीय नेतात थौं प्रशिक्षणया निंतिं वीरगन्जय् थ्यंकः वंगु दु ।
