माओवादी नेतृत्वय् सरकार
येँ (सन्ध्या टाइम्स)/ माओवादी अध्यक्ष पुष्पकमल दाहाल 'प्रचण्डं' माओवादीया हे नेतृत्वय् सरकार गठन जुइगु खँ धयादीगु दु। थौं सुथय् विराटनगर विमानस्थलय् पत्रकारत लिसे खँ ल्हासें वय्कलं उगु खँ धयादीगु खः ।
संविधानसभाया दकलय् तःधंगु पार्टी माओवादी जूगुलिं यानाः नं माओवादी नेतृत्वय् सरकार गठन जुइमाःगु खँ वय्कलं कनादीगु दु ।
माओवादीया वरिष्ठ नेतात थौं कोचिला, किराँत व लिम्बुवानया कार्यकर्तातय्त प्रशिक्षण बीगु निंतिं धरान वंगु दु। थौं सनिलय् अन छगू पत्रकार सम्मेलन याइगु ग्वसाः नं दु ।
