चलः व खुसिबालं आपालं धनजन क्षति

येँ (सन्ध्या टाइम्स)/देय्या थीथी थासय् वःगु खुसिबाः व चलखं यानाः आपालं धनजनया क्षति जूगु दु। झापाय् विरेगें व अन्दुवा खुसिइ वःगु खुसिबालं अनया आपालं थासय् जलमग्न जुयाच्वंगु दु। अनया विर्तामोडया लिसें घैला दुवा, डाँगीबारी आदि थाय् जलमग्न जुयाच्वंगु दु। खुसिबालं यानाः अनया सलंसः जग्गाय् पिनातःगु वा बाली नं नष्ट जूगु दु। अथे हे इलामय् खुसिबाः वयाः निम्ह तःकेहें मस्त सीगु दु। खुसिबालं चुइकाः १२ दँया फुलमाया राई व वया केहें अनिसा राई सीगु खः। अथे हे जलेश्वरय् वःगु खुसिबालं ताँ चुइकूगु दुसा जाजरकोटय् चलः वनाः लक्ष्मी पुन सीगु दु ।