दुर्घटनाय् छम्ह सित

दक्षिणकाली सतक खण्डय् बिहीवाः न्हिनय् सतक दुर्घटनाय् लानाः छम्ह सीगु दु ।

कुलेखानी देउराली नापसं हेटौंडां येँ वयाच्वंगु ना. १. ख. २०५० नम्बरया टाटासुमो व येँ नं जनकपुरय् वनाच्वंगु बा. २०. प. १२५४ नम्बरया मोटरसाइकल ठक्कर नःगु खः । दुर्घटनाय् मोटरसाइकल चालक धुनषा ढल्केबरया सन्तोष महतोयात वासः याकेत हटौंडा यंकाच्वंगु ईलय् ल्यँय् मदुगु खसाः मोटरसाइकल ल्यूनेच्वनाः वम्ह शान्तिपुर ७या फूलकुमारिसंह राजपुत घाःपाः जूगु दु ।

महतोया सीम्ह पोष्टमार्टमया ‍निंतिं हेटौंडा अस्पतालय् तयातःगु खँ जिल्ला प्रहरी ज्याकू मकवानपुरं धाःगु दु । अथेह टाटासुमो चालक धादिङ बैरेनी ४या गोपाल मोक्तन व घाःपा जुम्ह राजपुतयात प्रहरीं नियन्त्रणय् काःगु दु ।