टेलिभिजन शो पाखें नेता
हनिमय्न्यंक रियालिटी शो पाखें म्येहालामि, कलाकार आदि ल्येयगु टेलिभिजन शो लोकंह्वानाच्वंगु ईलय् स्टुडेन्ट पार्लियामेन्ट रिड्रइङ नेपाल (एसपीआरएनं) कान्तिपुर टेलिभिजन पाखें नेता ल्ययेगु ज्याझ्वः न्ह्याकेत्यंगु दु ।
'खोजः युवा नेतृत्व' नां बिया वइगु असोज ७ गते निसें थ्व ज्याझ्व: प्रसारण यायेत्यंगु खः । थुगु शो पाखें देय्न्यंक छरे जुयाच्वंगु बिचाः, योजना व प्रतिभाया सशक्त व रचानात्मक सः व शक्तियात मंकाः रुपं देया हितय् समाहित यायेत ग्वाहालि जुइगु विश्वास एसपीआरएनं काःगु दु ।
एसपीआरएनं इच्छुक ल्याम्हतय् निंतिं भदौ ३ नं निसें फर्म चालीगु व भरेयानाः वःगु फर्म मध्ये न्ह्यय्न्यागूलिं जिल्लां झिम्हया ल्याखं ७५०म्हेसित न्हापांगु चरणय् ल्यइगु व लिपा उकीं नं अडिसन मार्फत ७५म्ह पाखें सम्भावित नेता ल्यइगु खँ धाःगु दु ।
थुकीया निर्णाण्क मण्डलय् दय्य थीथी ख्यःया नांजाःपिं झिम्ह व्यक्तित्वत च्वनीगु जानकारी नं ग्वसा खलकं ब्यूगु दु ।
