निम्ह राजदूततय् नां अनुमोदन

संसदीय सुनुवाई विशेष समितिया बिहीवाः च्वंगु बैठकं अमेरीका व भारतया निंतिं सिफारिस यापिं राजदूतय् नां अनुमोदन याःगु दु ।

संसदीय सुनुवाई विशेष समितिया बैठकं अमेरिकाया निंतिं डा शंकरप्रसाद शर्मा व भारतया निंतिं रुक्मशमशेर राणया नां अनुमोदन याःगु खः । शर्मा व राणाया नांमय् छुं नं कथंया उजुरी मलाःगुलिं निम्हेसितं सामान्य न्यनेकने लिपा सर्वसम्मतं अनुमोदन याःगु खः । अमेरिकाया निंतिं प्रस्तावित शर्मा योजना आयोगया पुलांम्ह उपाध्यक्ष खसाः भारतया निंतिं प्रस्तावित राणा राष्ट्रिय खेलकुद परिषदया पुलांम्ह सदस्य सचिव खः ।

थ्वस्वयां न्ह्य: मंगलवाः च्वंगु बैठकं श्रीलंकाया निंतिं प्रस्तावित सुशीलचन्द्र अमात्यया नां सर्वसम्मतं अनुमोदन याःगु ख: ।