परराष्ट्रमन्त्रीं कुटनीतिक मर्यादा उल्लंघन : उपप्रम
परराष्ट्रमन्त्री सुजाता कोइरालां प्रधानमन्त्रीनापया भारत भ्रमण रद्द यानाः कुटनीतिक मर्यादा विपरित ज्या याःगु खँ उपप्रधानमन्धी विजयकुमार गच्छदारं धयादीगु दु ।
बुधवाः विराटनगर विमानस्थलय् संचारकर्मीत नाप खँल्हाबंला यानादिसें वयेकलं परराष्ट्रमन्त्रीया कार्यशैलीं देय्या कुटनीतिक शिष्टाचार व मर्यादाया घोर उल्लंघन याःगु धयादिल । वयेकलं थ्व घटनां सरकारयात छुं नं असर मलाकीगु धयादिसें कांग्रेस सभापति गिरिजाप्रसाद कोइरालाया चाहना छु खः थम्हं सिके मफुगु धयादिल ।
मंगलवा: परराष्ट्रमन्त्री सुजाता कोइरालायात उप प्रधानमन्त्रीलय् नियुक्त मयाःगुलिं वयेक म्हः मफुगु त्वचीनाः भारत भ्रमण रद्द याःगु बुखँ पिहांवःगु ख: ।
पत्रकारतयसं परराष्ट्रमन्त्रीं सुजाता कोइरालायात उपप्रधानमन्त्री छिं जुइमब्यूगु खलाः धकाः न्यंगू न्ह्यसःलय् वयेकलं थ्व जीगू पार्टीया खँ मखू, जीं धयाः उपप्रधानमन्त्री जुइगु नं मखु धकाः टिप्पणी यानादिल ।
कार्यवहाक प्रधानमन्त्री नं जुयादिम्ह गच्छदारं थ्व नीनिगू दल दुथ्याःगु बृहत प्रजातान्त्रक मोर्चाया सरकार जूगुलिं सुं नं छम्ह मनूया इच्छा कथं सरकार क्वमदलिगु धयादिल । वयेकलं सत्ता साझेदार दलत हे सरकारं पिहांमवंतल्ले सरकार क्वमदलीगु दाबी यानादिल ।
