छवाःया निंतिं संसद बैठक स्थगित
एकीकृत नेकपा (माओवादीं) लगातार व्यवस्थापिका संसदया बैठक अवरुद्ध यायेवं संविधानसभाया अध्यक्ष सुवास नेम्वाङं संसदया बैठक छवाःया निंतिं स्थगित याःगु दु । बैठक भदौ ९ गते तकया निंतिं स्थगित याःगु खः ।
बुधवाः च्वंगु संसदया बैठकय् नं माओवादी अवरोधया कारणं नियमित कार्यसूचीलय् दुहांमवंसें क्वचाःगु खः । बैठक न्ह्यायेवं माओवादीया सभासदतय्सं नाराबाजी यानाः रोष्ट्रम घेराउ याःगु खः । नागरिक सर्वोच्चता व राष्ट्रपतिया पलाःया बारेया मुद्दा सहलह यायेत संसदीय प्रकृया दुने महतल्ले संसद सुचारु यायेमबीगु अडान सहित माओवादी सभासदतय्सं झिंन्यागू मिनेट नाराबाजी यायेधुंकाः सभामुखं बुधवाःया बैठक स्थगित याःगु खः ।
लगातारया संसद अवरोधया कारणं विनियोजन विधेयक अर्न्तगत थीथी विषयलय् सहलह जुयाच्वंगु क्रम बुधवाः सुधःगु जानकारी सभामुखं बियादिल । अथेहे वयेकलं शुरु जुइल्यंदनीगु विनियोजन विधेयक अर्न्तगतया विषयलय् थ्वहे भदौ ९, १०, ११, १२, १४, १५, १६, १७ व २१ गते सहलह जुइगु धयादिल ।
