कांग्रेस महाधिवेशन फागुणं ?
येँ (सन्ध्या टाइम्स)/ नेपाली कांग्रेस केन्द्रीय समितिया बैठक थौं नं च्वनाच्वंगु दु। थौंया बैठकय् महामन्त्रीपाखें न्ह्यब्वइगु राजनीतिक प्रतिवेदनयात कयाः सहलह जुइगु खँ कांग्रेस स्रोतं धाःगु दु । अथे हे केन्द्रीय दुजः कृष्णप्रसाद सिटौलां तयार यानादीगु संशोधित विधानयात कयाः नं सहलह जुइ ।
बैठकय् कांग्रेसया महाधिवेशनया ई क्वःछीगु व थाय् ल्ययेगु बारे नं सहलह जुइ। सूत्रं धाः कथं कांग्रेसया वर्तमान कार्यसमितिया ई फुइधुंकूगु दुसा थ्वहे वइगु माघ वा फागुनं पार्टीया महाधिवेशन यायेगु तयारी जुयाच्वंगु दु। न्हूगु विधान कथं आःया महाधिवेशनय् गिरिजाप्रसाद कोइरालां उम्मेदवारी बी खनी मखु ।
