ट्रक दुर्घटनाय् छम्ह सित

त्रिभुवन राजमार्ग अर्न्तगत धादिङ नौविसे बाहुनडांडाय् जूगु ट्रक दुर्घटनाय् लाना छम्ह सीगु दुसाः छम्ह घाःपा जूगु दु ।

बुधवाः सुथय् हेटौंडां सिमेन्ट ज्वना येँय् वयाच्वंगु ना. १. ख. ४४२६ नम्बरया ट्रक फाटापुला दुर्घटना जुया ट्रक चालक सिगु खसाः वया ग्वाहालिमि घाःपा जूगु खः ।

अथेहे मेची राजमार्ग अर्न्तगत इलाम गोदकय् बुधवाः सुथय् बस दुर्घटना जुयाः झिंखुम्ह घाःपा जूगु दु । रुताप्लेजुङं झापा पाखे वनाच्वंगु मे. १. ख. ७८२ नम्बरया बस गोदक २ स्थित लामा होटेल नापसं दुर्घनाग्रस्त जूगु खः ।

घाःपा जुपिं स्वम्हेसिया अवस्था चिन्ताजनक जूगु खँ प्रहरीं धाःगु दु । अथेहे प्रहरीया कथं बास चालक व सह चालक दुर्घटना लिपा बिस्यूवंगु दु ।