पेट्रोल पम्पत बुधवाः निसें चालीगु

पेट्रोलियम मजदूर युनियन, व्यवासायी व सरकार दथुइ श्रम मन्त्रालयलय् जूगु वार्ताय् सहमति जुइवं बुधवाः निसें पेट्रोल पम्पत चालीगु जूगु दु ।

मंगलावाः श्रम मन्त्रालय्लय् जूगु वार्ताय् सरकारं निर्धारण याःगु न्युनतम पारिश्रमिक बीत ब्यवसायी सहमत जुइवं वार्ताय् सहमति जूगु खः । आ: पेट्रोल पम्पय् ज्या याइपिं मजदुरतय्त लाःया प्यद्वं निसें खुद्वं तक तलब बीगू जूगु दु । उमित निगू लाखया दुर्घटना बिमा व वासःया निंतिं न्य्यद्वं तकाःया बिमाः यायेगु सहमति जूगु दु ।

नेपाल पेट्रोलियम मजदूर युनियनं झिंन्यागू सूत्रीय माग तयाः आन्दोलन याना: देय्न्यंकया निजी पेट्रोलपम्पत शनिवा: निसें बन्द याकूगु खः ।