भारत भ्रमणय् छुं नं सम्झौता मजुइगु प्रचण्डया विश्वास
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' वर्तमान सरकारया प्रधानमन्त्रीं भारत भ्रमणया झ्वलय् छुं नं सम्झौता मयाइगु विश्वास प्वंकादीगु दु । वयेकलं सरकारं न्हापा सहलह याः कथंया प्रतिबद्धता पालना याइगु विश्वाश प्वंकादिल ।
झिन्हुन्यंकया युरोप भ्रमण क्वचायेकाः मंगलवाः येँय् लिहांझायादिम्ह प्रचण्डं त्रिभुवन अन्तर्राष्ट्रिय विमानस्थलय् पत्रकार सम्मेलन यानाः प्राय सरकार प्रमुखया विदेश भ्रमणय् पराराष्ट्रमन्त्री अनिवार्य जुइगु जुसां थुगुसी प्रधानमन्त्री माधवकुमार नेपालया भ्रमणय् परराष्ट्रमन्त्रीं अन्तिम ईलय् भ्रमण स्थगित या:गु खँ पाखें सरकार दुने विवाद दुगु खँ स्पष्ट याःगु धयादिल ।
वयेकलं सेना समायोजन विशेष समिति सरकारया हे कारणं पुर्नगठन जुइमफुगु धयादिसें सरकार समितिलय् गुगु दलयात दुथ्याकीगु धइगु बारे स्पष्ट मजूगु द्वपं बियादिल । माओवादीं सहमतिया निंतिं समितिलय् च्वनेत लचकता नालेफुगु खँ नं वयेकलं धयादिल ।
