नेपाः शान्तिपाखे न्ह्यानाच्वंगु दु
येँ (सन्ध्या टाइम्स)/नेपाः युद्ध क्वचायाः आः शान्तिपाखे न्ह्यानाच्वंगु निष्कर्ष संयुक्त राष्ट्रसंघ विकास कार्यक्रमं पिकाःगु दु ।
थौं सार्वजनिक याःगु उगु प्रतिवेदनय् १० दँया जनयुद्धया प्रभाव अझं क्वमचाःगु खँ नं न्ह्यथनातःगु दु। नेपाः आः सकसितं समान अधिकार प्रत्याभूत यायेगुपाखे न्ह्याः वनेमाःगु निष्कर्ष पिकासें प्रतिवेदनय् उकिया निंतिं आदिवासी जनजाति, अल्पसंख्यक जातिया अधिकारयात सम्मान यायेमाःगु खँ नं न्ह्यथनातःगु दु ।
नेपालय् ५० निसें ७० हजार युद्धं विस्थापित जूपिं मनूत अझ नं थःथःगु छेँय् लिहां वने मफुनिगु खँ नं प्रतिवेदनय् न्ह्यथनातःगु दु ।
