अमात्य सर्वसम्मत

येँ (सन्ध्या टाइम्स)/श्रीलंकाया राजदूत कथं सरकारं सिफारिस याःम्ह एमालेया पुलांम्ह सभासद् सुशीलचन्द्र अमात्ययात संवैधानिक सिफारिस समितिया थौं सुथय् च्वंगु बैठकं सर्वसम्मत रुपं स्वीकृति बिउगु दु। वय्कः विरुद्ध छुं हे उजुरी मदुगुलिं वय्कःयात सिफारिस याःगु खः। क्यानाडाया निंतिं सिफारिस जूम्ह पुलांम्ह मुख्य सचिव भोजराज घिमिरे बारे धाःसा अझ नं छुं निर्णय मजूनि। राजदूतावास हे मदुगु थासय् राजदूत सिफारिस याःगु धासें समितिं आपत्ति प्वंका वयाच्वंगु खः ।