अमात्यया नां अनुमोदन

संसदीय सुनुवाई विशेष समितिं श्रीलंकाया निंतिं राजदूतय् प्रस्तावित सुशीलचन्द्र अमात्यया नां सर्वसम्मतं अनुमोदन याःगु दु । मंगलवाः च्वंगु समितिया बैठकं अमात्यया नां पारित याःगु खः । अमात्याया बारे समितिलय् छुं नं उजुरी दर्ता मजूगुलिं वयेकया नां सर्वसम्मतं पारित जूगु खः ।

अथेहे समितिं क्यानडाया निंतिं प्रस्तावित राजदूत पुलांम्ह मुख्य सचिव डा. भोजराज घिमिरेया सुनुवाई धाःसा स्थगित याःगु दु । दूतावास हे मदुगु देशय् राजदूत सिफारिस याःगु धासें सभासदतय्सं आलोचना यायेवं वयेकया सुनुवाई स्थगित जूगु खः । समितिं क्यान्डाय् दूतावास च्याकेगु विषयलय् स्पष्ट धारणा पेश यायेत परराष्ट्र मन्त्रालययात पौ छ्वयेधुंकूगु दु ।