सपथया भाय्यात कया संविधान संशोधन जुइगु

राष्ट्रपति व उपराष्ट्रपतिं नं आवंनिसें थःगु मां भाय्लय् सपथ गृहण यायेदइ कथं संविधान संशोधन जुइगु जूगु दु ।

मन्त्रिपरिषदया सोमवाः च्वंगु बैठकं राष्ट्रपति व उपराष्ट्रपतिं थ: मां भासं सपथ कायेफइगु संवैधानिक प्रावधानया निंतिं संविधान संशोधनया प्रस्ताव संसदय् यंकेगु निर्णय याःगु दु । उगु प्रस्ताव तयार यानाः संसदया मेगू बैठकय् प्रस्तुत याइगु खँ बैठक लिपा आपूर्तिमन्त्री राजेन्द्र महतों जानकारी बियादिल ।

उपराष्ट्रपति परमानन्द झां हिन्दी भासं काःगु सपथ सर्वोच्च अदालतं असंवैधानिक ठहर यायेवं सपथ ग्रहणया भाय्या बारे दलत दथुइ विवाद जुयाच्वंगु खः ।