उपसमिति दयेका संवैधानिक समिति संचालन याइगु
सभापति चयन जुइमफया अवरुद्ध जुयाच्वंगु संविधानसभा संवैधानिक समितिया ज्याखँ उपसमिति दयेका संचालन यायेत स्वंगू प्रमुख दलत सहमत जूगु दु ।
संविधानसभाया अध्यक्ष सुवास नेम्वाङया पहलय् एकीकृत नेकपा (माओवादी), नेपाली कांग्रेस व नेकपा (एमाले)या सचेतकत नाप सोमवाः जूगु सहलहलय् थंज्याःगु सहमति जूगु खः । सहलहलय् उपसमिति दयेकेत स्वंगू प्रमुख दलत तयार जुसां थुकीया बारे चीचीधंगू दलतना नं सहलह यानाः जक अन्तिम निणृय याइगु जूगु दु ।
राजनीतिक दलत दथुइ सहमति कायम यायेमाःगु धासें संवैधानिक समितिया सभापतिया निर्वाचन भदौ १२ गतेया निंतिं स्थगित याःगु खः । थ्व समितियात संविधानया प्रस्तावना दयेकीगु निसें संविधानसभा संशोधन प्रकृया, राजनीतिक दलत सम्बन्धी संवैधानीक व्यवस्था, संकटकालीन अवस्थाया घोषणा, संविधानय् बाधा अडकाउ फुकाय अधिकार सम्बन्धि व्यवस्था, संक्रकमणकालीन व्यवस्था थंज्याःगु महत्वपूर्ण जिम्मेवारी बियातःगु दु ।
