दोलखाय् न्ह्यम्ह तिब्बतीत ज्वन

लामाबगर नाका जुयाः अवैध रुपं नेपाः दुहांवःपिं न्ह्यम्ह तिब्बती नागरिकतय्त प्रहरीं सोमवाः ज्वंगु दु ।

चीनया स्वशासित क्षेत्र तिब्बतनाप स्वाःगु सिमा लामावगर गाविसया लप्ची नाका जुया नेपाः दुहांवःपिं प्यम्ह मिजं व स्वम्ह मिसा तिब्बतीतय्त लामाबगरया गोगर प्रहरी चौकीं ज्वंगु खँ जिल्ला प्रहरी ज्याकू दोल्खां धाःगु दु ।

ज्वंपिं न्ह्यम्हेसित सोमवाः येँय् च्वंगु अध्यागमन विभाग छ्वःगु व उपिं लामावगर नाका पाखें दोल्खा जुया भारत वनेत्यंगु खँ नं प्रहरीं धाःगु दु । लामावगर नाका जुया ईलय् ब्वयलय् अवैधा रुपं तिब्बती नागरिकतय्त नेपाः दुहांवयेगु याः ।