कांग्रेस निधि थनीगु ?
येँ (सन्ध्या टाइम्स)/नेपाली कांग्रेस संसदीय दलया कार्यसमितिया बैठक थौं च्वंगु दु। थौंया बैठकय् कार्यसमितिइ थप यायेमाःपिं दुजःत मनोनयन यायेगु बारे सहलह जूगु खः। अथे हे बैठकय् वर्तमान सरकारया समिक्षा, संवैधानिक समितिया अध्यक्षया उम्मेदवार सुयात दयेकेगु धइगु बारे नं सहलह जुइगु खँ कांग्रेस स्रोतं धाःगु दु ।
संवैधानिक समितिया अध्यक्षया निंतिं कांग्रेसं प्रस्ताव याःम्ह निलाम्बर आचार्ययात मेगु दलतय्सं अस्वीकार यायेवं कांग्रेसं विमलेन्द्र निधियात संवैधानिक समितिया अध्यक्षया उम्मेदवार कथं प्रस्ताव यायेगु तयारी यानाच्वंगु खँ सीदुगु दु ।
