नेपालय् स्वीस दूतावास चायेकीगु

येँ (सन्ध्या टाइम्स)/नेपालय् स्वीट्जरल्यान्डया राजदूतावास चायेकेत छगू स्वीस पुचः नेपाः भ्रमणय् वःगु दु। उगु पुचलं थन दूतावास चायेकेगु बारे अध्ययन याइगु खँ धाःगु दु। स्वीस दूतावास चायेकेगु निंतिं नेपाल सरकारं अनुमति बीधुंकूगु दु ।

उखे स्वीस पुचलं थौं माओवादीया नेतृत्व नापलानाः नं सहलह याःगु दु । उगु सहलहया झ्वलय् नेपालय् न्ह्यानाच्वंगु शान्ति प्रक्रिया, थनया राजनीतिक स्थिति व स्वीस दूतावास चायेकेगु बारे खँ खः ।