निगः बस ल्वानाः पीम्ह घाःपाः
येँ (सन्ध्या टाइम्स)/ख्वपय् थौं सुथय् निगः बस ल्वानाः उकी यात्रा यानाच्वंपिं पीच्याम्ह स्वयां अप्वः यात्रु घाःपाः जूगु दु।
येँनं ख्वपय् वनाच्वंगु बा. २ ख ३३७७ नम्बरया बस व ख्वपं येँय् वयाच्वंगु बा. २ ख ४८६० नम्बरया बस ख्वपया गुह्येश्वरी फिल्ड धइगु थासय् थौं सुथय् ८ बजे ल्वानाः निगलं बसय् च्वनावःपिं यात्रुत घाःपाः जूगु खः ।
घाःपाः जूपिंत आः ग्वार्कोया बी एन्ड बी अस्पतालय् वासः याकातःगु दु। घाःपाः जूपिं मध्यय् च्याम्हेसिया अवस्था गम्भीर जुयाच्वंगु दु ।
घाःपाः जूपिं मध्ये बस चालक महेश खड्का, मीना लामा व गणेशलाल जोशीया अवस्था गम्भीर जुयाच्वंगु खँ प्रहरीं धाःगु दु ।
