मदिक्क वां जनकपुर डुबान जनजीवन अस्तव्यस्त
येँ (सन्ध्या टाइम्स)/निरन्तर रुपं वा वयाच्वंगुलिं धुनषा जिल्लाया जनकपुर नगरपालिका डुबानय् लाःगु दु। नगरपालिका डुबानय् लानाः अनया जनजीवन नं प्रभावित जुयाच्वंगु दु। नगरपालिकाया थीथी वडाया प्यसःखा स्वयां अप्वः छेँ डुबानय् लानाच्वंगु खँ धाःगु दु ।
डुबानया कारणं अनया सतकय् निगू फिट तक लः जायाच्वंगु दु। गुकिया कारणं अनया शैक्षिक संस्था नं बन्द जुयाच्वंगु दुसा छगू जक रेल सेवा नं बन्द जुयाच्वंगु दु।
धनुषाया गां गामय् नं तच्वःगु वा वःगुलिं यानाः आपालं क्षेत्र डुबानय् लानाच्वंगु दु ।
गुलिखे गाविसय् सञ्चार अवरुद्ध जुयाः सदरमुकाम नाप स्वापू त्वाः दःगुलिं अनया वास्तविक स्थिति सीके मफयाच्वंगु खँ धाःगु दु ।
