निगः बस ठक्कर नयाः स्वीप्यम्ह घाःपाः

अरनिको राजमार्गया ठिमीइ सोमवाः सुथय् निगः बस ठक्कर नयाः चालक सहित स्वीप्यम्ह घाःपाः जूगु दु । येँय नं ख्वपय् वनाच्वंगु बा. २. ख. ३३७७ नम्बरया बस व ख्वपं येँ वयाच्वंगु बा. २. ख. ४८६० नम्बरया बसं छगूलिं मेगू बसयात ठक्कर नकूगु खः ।

सख्त घाःपाः जूपि न्याम्हेसित बी एण्ड बी अस्पतालय् वासः याकातःगू दुसाः मेपिंत कोरियन अस्पताल, ख्वपः अस्पताल व एएनपीसी सामुदायिक अस्पतालय् वासः याकातःगु दु ।