प्रधानमन्त्रीया भ्रमण एजेण्डा पारित

मन्त्रिपरिषदया सोमवाः च्वंगू बैठकं प्रधानमन्त्रीया भारत भ्रमणया एजेण्डा पारित याःगु दु । बैठकं प्रधानमन्त्रीया भ्रमण पुचःया खुइन्याम्ह दुजःतय् नां नं अनुमोदन याःगु दु ।

भारत भ्रमणया झ्वलय् नेपाः-भारत दथुइया व्यापार व पारवहन सम्धी नवीकरण, उर्जा सम्झौता लगायत विषयलय् सहलह यायेगु एजेण्डायात बैठकं स्वीकृत याःगु खः । भ्रमणया झ्वलय् नेपाः-भारत सीमा व्यवस्थित यायेगु विषलय् नं सहलह याइगु जूगु दु । अथेहे मन्त्रिपरिषदया बैठकय् प्रधानमन्त्री नेपालं थ: भारतीय समकक्षीयात शान्ति प्रकृयाया बारे जानकारी बीगु धयादिल ।

बैठक लिपा सूचना व संचार मन्त्री नापं सरकारया प्रवक्ता शंकर पोखरेलं प्रधामन्त्री नेपालया भ्रमणय् पाचेश्वर बहुउदेश्यीय परियोजनाया बारे सहलह जुइगु तर उकीया बारे छुं नं सम्झौता मजुइगु खँ कनादिल ।