पेट्रोलियम मजदूर नापया वार्ता निष्कर्षविहीन

नेपाल पेट्रोलियम मजदूर युनियन व सरकार दथुइ आइतवाः जूगु वार्ता विना निष्कर्ष स्थगित जूगु दु ।

दच्छि न्ह्यः पेट्रोलियम डिलर्स एसोसियसन समक्ष न्ह्यब्वःगु झिंन्यागू सूत्रीय माग पूमवंगु धासें युनियनं शनिवाः निसें पेट्रोलियम पदार्थ बिक्रीवितरण बन्द यायेवं श्रम मन्त्रालयं आइतवाः वार्ताया आव्हान याःगु खः ।

मजदूरतयसं पेट्रोलियम डिलर्सतय् पदाधिकारीत वार्ताय् थःपिनिगु माग पाखें लिचिलेत स्व:गुलिं वार्ताय् सहमति जुइमफुगु द्वपं ब्यूगु दु । सहमति मालेत मेगू वार्ता मंगलवाः सुथय् झिंछताः ईलय् च्वनीगु सहमति जूगु दु ।

पेट्रोलियम मजदूरतय्सं याःगु बन्दया कारणं उपभोत्तात मारय् लाःगु दुसाः उपभोक्तात संस्थान व सरकारी पेट्रोलपम्पय् ताःहाकःगु लाइन च्वनाः अत्यावश्यक पेट्रोल व डिजेल न्यायेत बाध्य जुइमाःगु दु ।