येँयाः जात्रा व्यवस्थित यायेत सरोकार निकायत प्रतिवद्ध
येँ (सन्ध्या टाइम्स)/येँयाः जात्राय् थगुने थें थुगुसी छुं नं कथंया विवाद पिहां मवयेमा धइगु ताः तयाः नेवाः जागरण मञ्चया कवः नेवाः जागरण सञ्चार मञ्चया ग्वसालय् थन छगू अन्तर्क्रिया ज्याझ्वः जुल। ज्याझ्वलय् जात्रालिसे सरोकार दुपिं थीथी खलः पुचः व निकायया प्रतिनिधितय्सं थुगुसी जात्रा तःजिक न्ह्याकेगु लागिं माःगु पलाः च्वयेकेगु प्रतिवद्धता प्वंकूगु खः ।
ज्याझ्वलय् काठमाडौं जिल्ला प्रहरीया एसएसपी नवराज सिलवाल, संस्कृति मन्त्रालयया सहसचिव जलकृष्ण श्रेष्ठ, जागरण मञ्चया सल्लाहकार कृष्णगोपाल श्रेष्ठ, गुथि संस्थानया औचित्य सम्बन्धी उच्चस्तरीय अध्ययन समितिया संयोजक पवित्र वज्राचार्य, इन्द्रजात्रा व्यवस्थापन समितिया इ. मोहनकृष्ण डंगोलपिंसं न्ववानादीगु खः ।
ज्याझ्वः नेवाः जागरण मञ्चया संयोजक सुजिव वज्राचार्यया सभापतित्वय् जूगु खः ।
