बालाजुइ बसं क्यलाः छम्ह सित
येँ (सन्ध्या टाइम्स)/ बालाजुइ स्कूलया मस्त कयाः वयाच्वंगु छगः बसया ठक्करं छम्ह साइकल यात्री सीगु दुसा स्वम्ह घाःपाः जूगु दु ।
थौं सुथय् बा. १ छ ६९४९ नम्बरया बसं ठक्कर नकाः साइकल यात्री रामशरण न्यौपाने सीगु खःसा वया म्ह्याय् सोनिया न्यौपाने सहित स्वम्ह घाःपाः जूगु खः ।
साइकल गयाः वयाच्वंम्ह न्यौपानेयात बसं ठक्कर बीवं गम्भीर घाःपाः जूगु खःसा लिपा अस्पताल यंकुयंकुं हे लँय् तुं मदुगु खः। घाःपाः जूपिनि जनमैत्री अस्पताल बालाजुइ वासः जुयाच्वंगु दु ।
उगु घटना लिपा बालाजुया स्थिति तनावपूर्ण जूवंगु दु ।
