लुम्बिनीइ विहार दयेकेत मंकाः पञ्चदान
येँ (सन्ध्या टाइम्स)/थुगुसी जुइगु पञ्चदान ज्याझ्वः मंकाः रुपं न्ह्याकेगु ग्वसाः दयेकूगु दु। कंस मंगलवाः जुइगु पञ्चदान कुन्हु सुथय् ८ बजे थँबही भगवान बहालं पञ्चदान फयेगु शुरु यानाः देय् चाःहिलीगु ज्याझ्वः दु। थ्व पञ्चदान ज्याझ्वःपाखें मुंगु दां लुम्बिनीइ वज्रयानी विहार दयेकेगु ज्याय् छ्यलीगु खँ सामुहिक पञ्चदान कार्यक्रम समितिं धाःगु दु। पञ्चदान काइपिं थँबहिलिं शुरु जुयाः क्वाःबाहाः, झ्वाःबाहाः, तँलाछि, ध्वाखाबाहाः, गंबाहाः, थाय्मरु, असं, जनबाहाः, इतुम्बाहाः, मखं बाहाः, चसान, मञ्जुश्री, लगं, यंगाः, पुलांभंसाः, तेबाहाः, महाबौद्ध जुयाः जमःबाहाः थ्यंकाः क्वचाइ ।
