बाजाजु क्षेत्रया यातायात अवरुद्ध

बसया ठक्करं सिम्हेसिया छेँजःलं क्षतिपूर्ति व दोषीयात कारवाहीया माग यासें आइतवाः येँया बालाजु क्षेत्रया यातायात अवरुद्ध यानाब्यूगु दु ।

बालाजु पाखें बनस्थलीइ वनाच्वंगु बा. १. ख. ६६४९ नम्बरया बसं आइवाः सुथय् गुतात्याः ईलय् साइकलयात ठक्कर ब्युवलय् साइकल चालक नुवाकोटया रामशरण न्यौपाने सीगु खः ।

अथेहे ठक्करय् बसय् च्वनाः वःपिं स्वम्ह विद्यार्थीत न घाःपाः जूगु दु । ठक्करय् बनस्थलीया प्रिति लामा, गोंगवुया विवेक अधिकारी व बालाजुया सोनिया पुडासैनी दु । घाःपाः जुपिंत आः बालाजुया जनमैत्री अस्पतालय् वासः याकातःगु दु ।