देयन्यंकया पेट्रोल पम्प बन्द

पेट्रोलपम्पय् ज्या याइपिं मजदूरतय्सं न्यूनतम तलबया माग यासें शानिवाः निसें देयन्यंकया पट्रोलपम्प बन्द याःगु दु ।

नेपाल पेट्रोलियम मजदूर युनियनं झिंन्यागू सुत्रीय माग तयाः अनिश्चितकालया निंतिं देयन्यंकया पेट्रोल पम्प बन्द याकूगु खः । सत्तारुढ नेकपा (एमाले)या मजदुर संगठन जिफन्ट नाप आवद्ध पेट्रोलपम्प मजदूर युनियनं थःपिनिगु मागप्रति सुनुवाइ मजूगु धासें आन्दोलन यायेत बाध्य जूगु खँ धाःगु दु ।

शुक्रवाः श्रम मन्त्रालयं वार्ताया निंतिं सःतुगु खसां व्यवसायीतय् प्रतिनिधित मवयेवं वार्ता जुइमफुगु खः । मन्त्रालयं हानं आइतवाः थुकीया बारे सहलह यायेत सर्वपक्षीय वार्ताया आव्हान याःगु दु ।

देयन्यकंया निद्वं व निसः पम्प दुसाः अन झिंनिद्वः स्वयां अप्व मजदूरत ज्या यानाच्वंगु दु ।