समितिया सभापति सहमतिया आधारय् : यादव
मधेशी जनअधिकार फोरमया अध्यक्ष उपेन्द्र यादवं संवैधानिक समितिया सभापति राजनीतिक दलत दथुइया सहमतिया आधारय् जुइमाःगु खँ धयादीगु दु ।
फोरम धनुषा कार्यसमिति पाखें जनकपुरय् ग्वसाः ग्वःगु पत्रकार सम्मेलनय् वयेकलं समितिया सभापति सहमतिया आधारय् मजूसाः उकीं संविधान निर्माणय् असर लाकीगु धयादिल । वयेकलं देय् संक्रकमणकालया सही अवतरणया निंतिं हरेक मुद्धाय् सहमति कायम यानाः राष्ट्रिय सरकार निर्माण जुइधुंकाः तिनि समावेशी लोकतान्त्रया नारा सिद्ध जुइगु धयादिल । वयेकलं राष्ट्रिय सरकारय् फोरम प्रतिपक्षय् च्वनाः संविधान निर्माण यायेत व मधेशया अधिकारया निंतिं सदनय् संर्घष यायेगु प्रष्ट यानादिल ।
नेपाली कांग्रेसया सभापति गिरिजाप्रसाद कोइराला व प्रधानमन्त्री माधवकुमार नेपालं संविधान सभा विरुद्ध गम्भीर षड्यन्त्र यानाच्वंगु द्वपं बियादिसें उकीया विरुद्ध फोरम जनविद्रोह यायेत बाध्य जुइगु ख्याच्वः बियादिल ।
