'सन्धी सम्झौत यायेगु अधिकार थ्व सरकार नाप मदु'

एकीकृत नेकपा (माओवादी)या नेता देव गुरुङं प्रधानमन्त्री माधवकुमार नेपालं थ्वहे भदौ २ गते निसें यानादीत्यंगु भारत भ्रमणय् ल्वाभः न्यायेगु तयारी जुयाच्वंगु शंका प्वंकादीगु दु ।

शुक्रवाः येँया रिपोटस्र क्लबय् जूगु ज्याझ्वःलय् न्ववानादिसें वयेकलं प्रधानमन्त्रीं ल्वाभः न्यायेगु बारे सम्झौता यासा: माओवादीं सशक्त आन्दोलन यायेगु ख्याच्वः बियादिल । वयेकलं आःया सरकार असंवैधानिक जूगुलिं छुं नं कथंया सम्झौता यायेगु अधिकार थ्व सरकार नाप मदुगु धयादिसें व्यापार लगायत छुं नं सन्धी सम्झौता यासाः तःधंगु दुर्घटना जुइगु धयादिल ।

महाकाली सन्धी असमान व राष्ट्रघती सम्धी जूगु धयादिसें नेता गुरुङं वहे कथं पञ्चेश्वर परियोजनायात निरन्तरता बीगू कुतः जुयाच्वंगुलिं आपत्ति प्वंकादिल ।