थौं मन्त्री मण्डलया न्हय्क्वःगु विस्तार
येँ (सन्ध्या टाइम्स)/ प्रधानमन्त्री माधव नेपालं थौं न्ह्यक्वःगु चरणय् सरकार विस्तार यायेत्यंगु दु। मधेशी जनअधिकार फोरम (लोकतान्त्रिक) या सभासद् सर्वदेव ओझायात महिला बालबालिका तथा समाज कल्याण मन्त्री व मेपिं प्यम्हेसित सहायक मन्त्री कथं दुथ्याकाः मन्त्रिपरिषद् विस्तार यायेत्यंगु खः ।
भाजु नेपाल प्रधानमन्त्री जूगु स्वला लिपा तिनि मन्त्री मण्डलं पूर्णता काःगु खःसा दलतय् विवादं यानाः इलय् मन्त्री मण्डल विस्तार जुइ मफयाच्वंगु खः। थौंकन्हय् ३३ म्ह मन्त्री दुसा आः थप न्याम्ह मन्त्री सहित ३८ म्ह थ्यनीगु जूगु दु ।
