येँ एमालेय् कारवाही
येँ (सन्ध्या टाइम्स)/केन्द्रं बियाहःगु निर्देशन बांलाक पालना मयाः धासें एमाले येँ जिल्लाया सचिव रामेश्वर फुयाँलयात पार्टीया उपत्यका समन्वय समितिं चेतावनी पौ बिउगु दु। यदि आः नं वय्कलं पार्टी नीतिया अवज्ञा यात धाःसा कारवाहीया लागिं केन्द्रय् सिफारिस याना छ्वयेगु खँ उपत्यकाया इन्चार्ज राजेन्द्र श्रेष्ठं कनादिल ।
उखे रामेश्वर फुयाँलं धाःसा पार्टीया येँ समितियात गुगु विधान अन्तर्गत भंग यानागु धाःगु खः व विधान हे आः तक पूर्ण मजूनि व उकियात कयाः केन्द्रीय बैठकय् छलफल हे जारी दनिगुलिं उकियात माने यायेत थःपिं बाध्य मदुगु दावी यानादिल। वइगु पुस ३-४ गते येँया अधिवेशन यायेगु क्वःछिना तइगुलिं येँ कमिटी अबलय् दइगु खँ वय्कलं कनादिल ।
