सहमति कायम यायेत नेम्वाङया इनाप

संविधान सभाया अध्यक्ष सुवास नेम्वाङं सहमतिया आधारय् हे संवैधानिक समितिया सभापति चयन यायेत दलतय्त इनाप यानादीगु दु ।

शुक्रवाः नेपाल राष्ट्रिय जातिय संग्रालहया उल्लेज्या यानादिसें वयेकलं दलत दथुइ मंकाः सहमति बिना ईलय् संविधान निर्माण जुइ थाकूइगु जूगुलिं सहमति कायम यायेमा: धयादिल । दलतय्त सहमति कायम यायेत इनाप यानादिसें वयेकलं न्हूगु संविधान ईलय् हे निर्माण जुइगु विश्वास प्वंकादिल ।

ज्याझ्वलय् सभाध्यक्ष नेम्वाङं अप्वयावनाच्वंगु राजनीतिक गतिरोधया कारणं संविधान निर्माण प्रकृया लिपाः लावंगु धयादिसें आः ल्यं दनीगु म्हो ईयात बिचाः यानाः सहमति यानाः न्ह्यावनेमाः धयादिल ।