यातायात व्यवसायीतय्सं आन्दोलनया ख्याच्वः

यातायात व्यवसायीतय्सं हानं आन्दोलन यायेगु ख्याच्वः ब्यूगु दु । सवारी दुर्घटना व क्षतिपूर्ति सम्बनधय् सरकारया नीति स्पष्ट मजूगु धासें गुंगू सूत्रीय माग न्ह्यने सारे यानाः आन्दोलनया ख्याच्वः ब्यूगु दु ।

बिहिवा: येँ छगू पत्रकार सम्मेलन याना: नेपाल राष्ट्रिय यातायात व्यवसायी सर्वोच्च महासंघया अध्यक्ष विष्णु शिवाकोटीं भाद्र १ गते लागू यायेगु धाःगु विमा सम्बन्धि व्यवस्थाय् स्पष्ट नीति दयेकेत माग याःगु दु । दुर्घटनाय् स्वंगूगु पक्ष सीगु बिमा वापत न्यागू लाख बिमा कम्पनित पाखें उपलब्ध याकीगु धासां प्रिमियम स्पष्ट मजूगु, गाडी दुनेया यात्रु व मजदुरया हकय् छु जुइगु धकाः स्पष्ट यायेत नं माग याःगु दु ।

महासंघं साउन मसान्त दुने समस्या समाधान यायेत सरकार गम्भीर मजूसाः कडा आन्दोलन यायेगु ख्याच्वः ब्यूगु दु ।