एजेन्डा क्वःछीत २२ दलया बैठक
येँ (सन्ध्या टाइम्स)/प्रधानमन्त्री माधव नेपालं यानादीत्यंगु भारत भ्रमण बारे मंकाः एजेन्डा क्वःछीत थौं सत्तारुढ २२ दलया मंकाः बैठक च्वंगु दु ।
प्रधानमन्त्री निवास बालुवाटारय् च्वंगु उगु बैठकय् प्रधानमन्त्रीया भारत भ्रमणया झ्वलय् ल्ह्वनेगु एजेन्डाया बारे सहलह जूगु खः ।
प्रमया भ्रमणया झ्वलय् नेपाः-भारत दथुइ जुयाच्वंगु वाणिज्य सन्धि सम्झौता परिमार्जन यायेगु व दोहोर कर प्रणाली बारे सहलह जुइगु खँ धाःगु दु ।
अथे हे पञ्चेश्वर परियोजनाया बारे नं मंकाः निष्कर्ष पिकायेत सहलह जुइगु खँ धाःगु दु ।
अथे हे बैठकय् उच्चस्तरीय राजनीतिक संयन्त्र दयेकेगु व संविधान संशोधन यानाः उपराष्ट्रपतिया शपथ याकेगु बारे नं सहलह जुइगु खँ धाःगु दु ।
प्रमया भारत भ्रमणया झ्वलय् कोशी बाँधं नेपालय् लानाच्वंगु प्रभावया बारे नं सहलह जुइगु खँ धाःगु दु।
२२ दलया बैठकय् प्रमया भारत भ्रमण न्ह्यः हे उपराष्ट्रपतिया शपथ ग्रहण प्रकरण क्वचायेकेगु बारे नं सहलह जुइगु खँ धाःगु दु ।
