खलासीया सीम्ह ब्वयाः पथलैयाय् प्रदर्शन
येँ (सन्ध्या टाइम्स)/ट्रकं कुतुं वनाः सहचालक सीवं सीम्हेसिया छेँजःयात क्षतिपूर्ति बीमाःगु माग यासें थौं बाराया स्थानीय जनतां बारा-पथलैया लँ पना बिल। येँनं चितवनपाखे वनाच्वंगु ना. ३ ख ४१२७ नम्बरया ट्रकय् च्वना वनाच्वंम्ह सहचालक सन्जु लामा चितवनय् सीगु खः। स्थानीय जनतां पथलैयाय् लँ पनाः लामाया शव नं लँय् तुं ब्वयातःगु दु ।
उखे झापाया शिवगन्जय् म्हिगः जूगु ट्याक्टर दुर्घटनाय् लानाः सीपिं न्याम्हेसिया सनाखत जूगु दु। उगु दुर्घटनाय् लानाः चालक कृष्ण माझी, देव श्रेष्ठ, छत्र मगर, तुलसी धिमालसहित मेपिं निम्हेसिया सनाखत जूगु खँ प्रहरीं धाःगु दु ।
