राष्ट्रिय मुद्दाय् छप्पं जुइत दलतय्त सभामुखया इनाप

सभामुख सुवासचन्द्र नेम्वाङं निर्धारित ईलय् हे संविधान निर्माण यायेत दलत छप्पं जुइमाःगु खँ धयादीगु दु ।

बिहीवाः येँय् ई-क्यानया शैक्षिक परामर्श मेलाया उल्लेज्या यानादिसें वयेकलं दलत थःथःगु स्वार्थ स्वयां च्वये थांवनाः राष्ट्रिय मुद्दाय् सहमति कायम यायेत इनाप यानादिल । वयेकलं दलतय्सं थःपिनिगु प्रतिबद्धता पूमवंकूगु धयादिसें राजनीतिक गतिरोध अन्त्य यायेत माओवादी लगायत दलत नाप सहलह जुयाच्वंगु धयादिल ।

ज्याझ्वलय् सुभामुख नेम्वाङं न्हूगु संविधान निर्माण लिपा लगानीया वातावरण सहज जुइगु धयादिसें शिक्षा व रोजगारीया निंतिं देशं पिने वनाच्वंगु जनशक्तियात देय् लिहांवयेत अपील यानादिल ।

शनिवाः तक न्ह्यइगु मेलाय् थीथी परामर्श सेवा प्रदायक कम्पनीया सच्छि व पीगू स्टल तयातःगु दु ।