सरकार प्रमाणपत्र तहया भर्ना च्याकेत सहमत

एकीकृत नेकपा (माओवादी) निकट अखिल क्रान्तिकारीं बुधवाः देयन्यंकया दक्वं उच्चमावि बन्द यायेवं त्रिभुवन विश्वविद्यालय अर्न्तगत प्रमाणपत्र तहया भर्ना च्याकेत सरकार सहमत जूगु दु ।

बुधवाः सनिलय् शिक्षामन्त्रालयलय् झिंस्वंगू विद्यार्थी संगठन व शिक्षामन्त्रालयया सहसचिव जर्नादन नेपालया संयोजकत्वय् गठन वार्ता पुचः नापया वार्ताय् उगु सहमति जूगु खः । प्रमाणपत्र तह खारेज याःगु विरोधय् अखिल क्रान्तिकारीया केन्द्रीय पदाधिकारीत छुं न्हि न्ह्यः निसें आमरण अनसनय् च्वनावयाच्वंगु खसा: मेमेगू विद्यार्थी संगठनतय्सं आन्दोलन यानावयाच्वंगु ख: ।

उमिसं बुधवाः स्वनिगःया छुं छुं उच्चमावितय्सं बन्दया अवज्ञा याःगु धासें उगु विद्यालयया गाडि तोडफोड नं याःगु खः । विद्यार्थीतय् आन्दोलनं थंज्याःगु रुप कायेवं सरकारं विद्यार्थीतय्त वार्ताय् सःतुगु खः ।